يا سيدي سمُوك صقر العروبه
+ و الاسم لك يا رمز الأمجاد لايق
تستاهل الإسم الموقر اعذوبه
+ و أنا أشهد أنه حق ما هو لفايق
تاجن زهاك محققاتٍ وجوبه
+ غصبن على الاحقاد و هل البوايق
القاف في مدحك عريضه ادروبه
+ ما يحير في حرفه وسيع الطرايق
يا حر في صحراء النفود اقنصوبه
+ حرٍ على الهدات بالحيل شايق
شعبك بنبض الحب تنبض اقلوبه
+ لعل ما تاتيك سوء العوايق
تنبض وفا لاهل الوفا و محبوبه
+ سور الوطن عن كل مفسد و بايق
الخير في وجهك مواري نجوبه
+ انجازها في يدك نهج و حقايق
و عضيدك المحبوب ناره شبوبه
+ حسام قطاع الهامات الوهايق
سلطان منه بالغداري سرو به
+ بالعرف يوثق مبهمات الحلايق
و برك هبايب بالنسايم هبوبه
+ هبوب خير و بارق الخير سايق
سلطان سلطان المراجل عنوبه
+ ريف اليتيم اللي دموعه سفايق
تعيش يا عِز الولى مع نسوبه
+ حايز وسام المجد عشق و عشايق
يا أهل المكارم ما تجيكم غلوبه
+ وراع الدروب العوج يلقا عوايق
شجرة بني وائل كريمه نجوبه
+ نصرٍ من المولى محق الحقائق
يا الاسره اللي للمعادي عقوبه
+ عدوهم يجرع من المر ذايق
قومن على كسب المعالي كسوبه
+ على العدو تربط شديد الوثايق
و من خالف الميثاق يلقى صعوبه
+ هذا كلام الصدق ما هو نفايق
حجه و برهانن مواجيب جوبه
+ ما يحصل المحتج عليهم طرايق
أهل السيوف مهندات النصوبه
+ حريبهم له عن كرى الليل تايق
على الحريب اليا اعتزوا و التقوبه
+ أمواج بحر ما تجيله عتايق
في موجها من راح ما حسبوبه
+ و البحر ما همه كثير الغرايق
ذرا الدخيل اللي تزايد اغضوبه
ما يرجع المظيوم مقهور ضايق
يا عيال من للمجد شام و حكو به
+ عبد العزيز بدورها له وثايق
في منتج الأمجاد جادت انجوبه
+ تشبع بدربه مطلقات السبايق
الشعب وافي و المليك محبوبه
+ مطبوع حبه بالقلوب الغلايق
ما ضلنا من د نس اللوم ثوبه
+ يظهر بوجه العدل و القلب بايق
على الخطا يمشي كئيبه اسلوبه
+ و الحقد يشعل في خفوقه حرايق
كذوب و منافق خبيثه ادروبه
+ و اذنابه اللي مع دروبه لحايق
شعبً كريمنً و المكارم رجوبه
+ شوقاً على شوق بالألحان فايق
يسوقها لهل الوفا و محسوبه
+ حكامنا اللي للمكارم عشايق
بأفعالهم حكم الجزيرة عصوبه
+ سترٍ لها عن كل عصف ٍو عايق
وم جارهم يم الثرياء رقوبه
+ في موجبه يرهون قطع العنايق
الشعر مبدا و القوافي شبوبه
+ و هل المعرفه للمعاني ذوايق
يا سيدي سموك صقر العروبه
+ و الاسم لك يا رمز الأمجاد لايق
